सुमार्गीया ध्यबा हयेत सर्वोच्चया उजं

येँ-आपालं चर्चा व विवादय् लानाच्वंम्ह उद्योगपति अजय सुमार्गीयात विदेशं ध्यबा हयेत रोके याये मते धकाः सर्वोच्च अदालतं अन्तरिम आदेश जारी याःगु दु ।

सुमार्गीं थम्हं नेपालय् लगाीन यायेत विदेशं हयेत्यनागु २ अर्ब तका दां रोके जुयाच्वंगुलिं थ्व खुले याना बी माल धकाः आइतवाः रिट दायर याःगु खःसा म्हिगः सर्वोच्च अदालतया न्यायाधीश तेजबहादुर केसीया इजलासं वय्कःया ध्यबा हयेगु लागिं छुं नं कथंया कानुनी बन्धन मदुगु जुयाः ध्यबा हःसां जिउ धकाः आदेश जारी याःगु खः ।

नेपालय् लगानी यायेगु धकाः वःगु अज्याःगु त्यासाया ध्यबा रोके याये मते धकाः सर्वोच्चं आदेश जारी याःगु खः।
लुमंकेबहः जू, सुमार्गीं थ्व स्वयां न्ह्यः नं विदेशं हःगु करिब ४ अर्ब तकाया श्रोत खुले मजू धकाः छानबिन जुयाच्वंगु खःसा सुमार्गीं उकिया प्रतिकार याना वयाच्वंगु खः ।

थ्वहे खँयात कयाः राष्ट्रिय न्हिपौ ‘कान्तिपुर’ या थुवाः कैलाश शिरोहियालिसे सुमार्गीया कचवं समेत जुयाच्वंगु खःसा उकिया विरुद्ध नं सुमार्गीं २५ करोड तकाया क्षतिपूर्ति दावी यासें अदालतय् रिट दायर यानातःगु दु ।

सम्बन्धित बुखँ

LEAVE YOUR COMMENTS