अपरेशन रिसर्च सोसाइटीया साधारण सभा
येँ – अपरेशनल रिसर्च सोसाईटी अफ नेपाल(ORSN) या झिंप्यक्वःगु वार्षिक साधारण सभा जुल । संस्थापक अध्यक्ष प्रा. डा. सुनिती श्रेष्ठया सभापतित्वय् जूगु साधारण सभांं डा. गोविन्द तामांगया अध्यक्षताय् झिंछम्ह दुगु न्हूगु ज्यासना पुचः नं ल्यःगु दु । साधारण सभाय् प्रा. डा. महानन्द चालिसें नेपाःया सन्दर्भय् ज्ञान व्यवस्थापन (Knowledge managment) विषयय् ज्यापौ न्ह्यब्वयादीगु खः ।
सभाय् ORSN या उपाध्यक्ष प्रा. डा. पुष्करकुमार शर्मां लसकुस यानादीगु खःसा महासचिव डा. गोविन्द तामांङं वार्षिक प्रतिवेदन व कोषाध्यक्ष कृष्ण नकर्मीं आर्थिक प्रतिवेदन न्ह्यब्वयादीगु खः ।
सभाय् न्ववासें प्रा. डा. श्रेष्ठं थःगु झिंनिदँया नेतृत्वय् ORSN यात अन्तराष्ट्रिय ख्यलय् म्हसिका बियागु खँ न्ह्यथँ IJORN या निरन्तर प्रकाशन यानागु लिसें राष्ट्रिय व अन्तर्राष्ट्रिय सम्मेलन यायेगु झ्वलय् सन् २०२० या फेब्रुअरिइ पोखराय् ORSN International Confrence 2020 यायेगु उद्घोष यानादिल ।
न्हूगु कार्यसमितिया उपाध्यक्षय् डा. कविता वादे श्रेष्ठ, महासचिवय् सुनिल अमात्य, सचिवय् डा. विजयलाल प्रधान व कोषाध्यक्षय् नुरा श्रेष्ठयात ल्यःगु खः । अथेहे कार्यकारी सदस्यय् प्रा. डा. सुनिती श्रेष्ठ, दिपेन्द्र पुरुष ढकाल, राजु मानन्धर, डा. सरोज ज्ञवाली, सत्यबहादुर श्रेष्ठ र देवीलाल शर्मा सर्वसम्मतं ल्यःगु खः ।
LEAVE YOUR COMMENTS