गुरुजुया पल्टनय् न्हूम्ह प्रमुख श्रेष्ठ
येँ (नेपालभाषा टाइम्स)÷थनया हनुमानध्वाखा दुने च्वंगु नेपाली सेनाया शार्दुलजंग गुल्म (गुरुजुया पल्टन) या प्रमुख मेजर पूर्ण प्रजापतिया थासय् न्हूम्ह गुल्मपति मेजर अनिल श्रेष्ठ वःगु दु । म्हिगः हनुमानध्वाखाया नासः चुकय् छगू ज्याझ्वःया दथुइ गुल्मपति प्रजापतियात बिदाइ यासें न्हूम्ह गुल्मपति श्रेष्ठयात लसकुस याःगु खः ।
ज्याझ्वलय् नेवाः देय् दबू लगायत थीथी स्थानीय खलः पुचःतय्सं न्हूम्ह गुल्मपतियात लसकुस यासें प्रजापतियात बिदाइ याःगु खः । ज्याझ्वलय् येँया सांसद विराजभक्त श्रेष्ठ, शैलेन्द्र वज्राचार्य, नेवाः देय् दबूया नायः पवित्र वज्राचार्य, इन्द्रजात्रा व्यवस्थापन समितिया नायः गौतम शाक्य आदिपिंसं सम्बोधन यानादीगु खः । निवर्तमान गुल्मपति प्रजापति नेपाली सेनाया मुख्यालयय् सरुवा जुयादीगु दु ।
LEAVE YOUR COMMENTS