ससफो नं सरकारय् वनीगु ?

येँ – संविधान संशोधनया निंतिं सरकार सकारात्मक जूसा संघीय समाजवादी फोरम नं सरकार वनेगु खँ धाःगु दु । पार्टीया सहअध्यक्ष राजेन्द्र श्रेष्ठ ‘नेपालभाषा टाइम्स’ लिसें खँ ल्हासें उगु खँ ल्हासें धयादीगु दु, ‘संविधान संशोधनय् स्पष्ट ‘कमिटमेन्ट’ वल धाःसा जिपिं नं सरकार वनेगु जुइ ।’ वय्कःया कथं केन्द्रीय सरकारय् थःपिं दुथ्यात धाःसा प्रदेश नम्बर २ या सरकारय् वाम गठबन्धनयात नं दुथ्याकेगु जुइ ।

म्हीग जक ससफोया अध्यक्ष उपेन्द्र यादवयात प्रधानमन्त्री खड्गप्रसाद ओलीं बालुवाटारय् सःताः सरकारय् वयेमाल धकाः प्रस्ताव तयादीगु खः । उगु प्रस्तावया लिसः बीगु झ्वलय् अध्यक्ष यादवं संविधान संशोधन थःपिनिगु बटमलाइन जूगुलिं उकी सहमत जूसा सरकारय् वये धकाः लिसः बियादीगु खः ।