ख्वप अस्पतालय् दक्वं ल्वय्या शल्यक्रिया

ख्वप – ख्वप क्यान्सर अस्पतालं क्यान्सरलिसें मेमेगु सकतां कथंया ल्वय् या नं शल्यक्रिया सेवा शुरु याःगु दु । अस्पतालय् न्हूगु व्यवस्थापन समिति वयेवं क्यान्सरलिसें मेमेगु ल्वय्या नं शल्यक्रिया सेवा शुरु जूगु अस्पताल प्रशासनं जानकारी बिउगु दु । अस्पतालं वंगु भदौ १ गतेनिसें क्यान्सरलिसें मे मेगु ल्वय्या नं शल्यक्रिया सेवा शुरु याःगु खः ।

अस्पताल व्यवस्थापन समितिया सदस्य सचिव नापं अस्पतालया मेडिकल डाइरेक्टर प्रा. डा. ऋषिनारायण श्रेष्ठं बियादीगु जानकारीकथं अस्पतालं थ्व हे वंगु भदौ १ गतेनिसें सकतांकथंया ल्वय्या शल्यक्रिया शुरु याःगु दु ।

न्हूगु व्यवस्थापन समितिं सेवायात अझ सहज याःगुलिं अस्पतालय् क्यान्सलिसें मेमेगु ल्वय्या ल्वगितय् चाप नं अप्वया वनाच्वंगु जानकारी बियादिल । छुं दिं न्ह्यः जक ख्वप नगर पालिकाया नगर प्रमुखया अध्यक्षताय् न्हूगु अस्पताल व्यवस्थापन समिति गठन याःगु खः । अस्पतालय् न्हूगु व्यवस्थापन समिति वयेवं उच्च मनोबललिसें ज्या यायेगु झ्वलय् थुगु महिनाया शुरुनिसें हे दक्वं कथंया ल्वय्या शल्यक्रिया बीगु सेवा संचालनय् हयागु वयकलं धयादिल ।