साइनिंग स्टार सहकारीया निम्हेसित ज्वन

येँ – थनया ताहाचः टंकेश्वरय् च्वंगु साइनिंग स्टार बचत तथा ऋण सहकारीया लेखा समिति दुजः रोशनकुमार खड्गी व प्रकृति श्रेष्ठयात प्रहरीं ज्वंगु दु । निक्षेपकर्तातय् ध्यबा ठगे यानाः बिसिउँ वनाच्वंपिं उमित शुक्रवाः नेपाल प्रहरीया केन्द्रीय अनुसन्धान ब्युरों ज्वंगु खः ।

आकर्षक ब्याज बीगु व थीथी उपहार बिइगु प्रलोभन क्यनाः सहकारीइ ध्यबा तयेकाः ध्यबा ज्वना बिसिउँ वंगु द्वपनय् उमित दछि न्ह्यव हे येँ जिल्ला अदालतं सजाय फैसला न्यंकातःगु खः । प्यंगू करोडं मल्याक ध्यबा हिनामिना याःगु मुद्दाय् लानाच्वंपिं उमित अदालतं दछि व खुला कैद व ४७ लाख ६२ हजार जरिवाना न्यंकातःगु खः । प्रहरीं उमित ज्वनाः शुक्रवाः हे केन्द्रीय कारागार चलान याःगु खः ।

नेपालभाषा टाइम्स

च्वमिया मेमेगु

• ‘नुगः चफुना’ या म्यूजिक भिडियो पिदन
• नेपालभाषाया न्हूगु श्रृंखला वइगु
• एनपिएल ः जनकपुर व चितवन त्यात
• बौद्धविद्वान प्रजापतिया हना
• प्रधानमन्त्री ओलीया चीन भ्रमण, छुं न्हूगु सम्झौता मजुइगु