सूर्यविनायक गणेद्यःया जात्रा

ख्वप(नेपाललभाषा टाइम्स)- वइगु गणेश चौथिकुन्हु सूर्यविनायक गणेद्यःया जात्रा याइगु जूगु दु । गणेद्यःया जन्म दिंकथं कयातःगु थ्वकुन्हु गणेश जन्मोत्सवया रुपय् जात्रा यायेगु तयारी जुयाच्वंगु दु ।

सूर्यविनायक क्षेत्र प्रबध समिति व सूर्यविनायक युवा क्लबं जात्रायात निरन्तरता बीगु झ्वलय् थुगुसी नं जात्राया तयारी यानाच्वंगु दु । थ्वकुन्हु सूर्यविनायक गणेद्यःयात खटय् तयाः देगः जःखःया लागा चाःहिकेगु ज्याझ्वः तयाःगु दु । थुम्ह गणेद्यःया जात्रा जनप्रतिनिधि वयेधुंकाः हाकनं शुरु याःगु खः ।