स्थानीय सरकार सशक्तिकरण गोष्ठि

थिमि – शैलजा आचार्य आदर्श समाजया ग्वसालय् स्थानीय सरकार सशक्तिकरण गोष्ठि ज्याझ्वः जुल । गोष्ठिया उलेज्या यासें मध्यपुर थिमि नगरपालिका प्रमुख मदनसुन्दर श्रेष्ठं स्थानीय सरकारया विकास व कार्य संचालनय् प्रशिक्षित जुइगु थुकथंया ज्याझ्वलय् समाजलिसें सहकार्य यायेखंगु धासें लसता प्वंकादिल ।

वय्कलं जनप्रतिनिधितय्सं नं सयेके हे माःगु विषय जूगुलिं पूवंक ज्याझ्वलय् च्वनाबीत इनाप यानादिल । विशेष पाहांकथं मध्यपुर थिमि नगरपालिकाया उपप्रमुख अञ्जना मधिकःमि झायादीगु ज्याझ्वलय् मध्यपुर थिमि नगरपालिकाया गुंगुलिं वडाया जनप्रतिनिधितय्गु सहभागिता दुगु खः ।

समाजया अध्यक्ष मिना पाण्डेया सभापतित्वय् जूगु गोष्ठिइ मध्यपुर थिमि नगरपालिकाया प्रशासन प्रमुख धनकृष्ण श्रेष्ठं नुगःखँ तयादीगु खःसा डा. शशि अधिकारी, पुलांम्ह समाज कल्याणमत्ती कमला पन्त, कृष्णप्रसाद सापकोटा लगायतं स्थानीय सरकार संचालन, सशक्तिकरण नापं मिसा विरुद्धया हिंसा व चूनौति, मिसा अधिकार सम्बन्धी व्यवस्था व कार्यान्वयनया व्यवस्थालिसें संविधानय् व्यवस्था जुयाच्वंगु मानव अधिकार व नागरिक हकया विषयय् ब्याख्या विश्लेषण यासें प्रशिक्षण बियादीगु खः ।