जोशीयात चीकूगुली बारया ध्यान

येँ – नेपाल बार एसोशिएसनं प्रधानन्यायाधीश चोलेन्द्रशम्शेर जबरां न्यायाधीश दिपकराज जोशीयात वरिष्ठतां चीकूगु, न्यायपरिषदया सदस्यपाखें चीकूगु व संवैधानिक परिषद्पाखें चीकेगु ज्या याःगु धासें थुकी गम्भीर ध्यानाकर्षण जूगु खँ धाःगु दु ।

बारया महासचिव खम्बबहादुर खातीं जारी याःगु प्रेस विज्ञप्तिइ निवर्तमान प्रधानन्यायाधीश ओमप्रकाश मिश्रं तोके याना वयाच्वंगु इजलास तकं तोके मयायेगु गैरसंवैधानिक, गैरकानुनी व प्राकृतिक न्यायया सिद्धान्त अःखः जूगु खँ न्ह्यथनातःगु दु ।

बारं प्रधानन्यायाधीश राणां याःगु गैरकानुनी निर्णय तत्काल लित कायेमाःगु माग याःगु दु । न्यायया धरोहर व आस्थाया केन्द्रया रुपय् दुगु न्यायपालिका व संविधानया ब्याख्या याइगु सर्वोच्च अदालतया प्रधानन्यायाधीश गुगुं नं पक्षपाखें दबाब व प्रभाव लाये मजिउगु खँ नं प्रेस विज्ञप्तिइ न्ह्यथनातःगु दु ।