संविधान दिवस कुन्हु थारुतय् हाकुगु न्हि
येँ – १५ बुँदे घोषणा पत्र जारी यासे थरुहट थारुवान राष्ट्रिय सम्मेलन क्वचाःगु दु । सम्मेलनं लक्ष्मण थारुया ने तृत्वय् ५१ म्ह दुजः दुगु थरुहट थारुवान राष्ट्रिय मोर्चा नं नीस्वंगु दु ।
टिकापुरय् स्वन्हु तक न्ह्याःगु सम्मेलनं तराई मधेश आन्दोलनया झ्वलय् जुगू घटना बारे छानविन यायते नीस्वगु गिरिशचन्द्र लाल समितिया प्रतिवेदन सावर्जनिक यायेत माग याःगु दु । सम्मेलनं थीथी इलय् सरकार थःपिंलिसे याःगु सहमति कार्यान्वयन यायेत नं माग याःगु दु ।
अथे हे सम्मेलनं ७ प्रदेशया संरचना माने मयायेगु धासे पहिचान सहितया १० प्रदेश व गैर भौगोलिक १ प्रदेश दयेके माःगु माग याःगु दु । लिसे थरुहट थारुवान स्वायत्त प्रदेश सीमांकन व नामांकरण यायेमाःगु माग याःगु खँ प्रवक्ता चौधरी कनादीगु दु ।
उकथं हे सम्मे लनं थरुहटया शहीद छेँजःपिं, घाःपाः जूपिं, राजबन्दी व छेँजःपिनि भरणपोषण व आश्रित मस्तय्गु निंतिं शिक्षादीक्षाया निंतिं मुठीदान अभियान न्ह्याके गु घोषणा याःगु दु । सम्मेलनं स्वंगू चरणया आन्दोलनया कार्यदिशा नं क्वःछिउगु दु । न्हापांगु चरण अन्तर्गत तराई जिल्लाय् प्रचारात्मक व संगठन विस्तारया ज्याझ्वः याइगु जूगु दु ।
निगूगु चरणय् कोणसभा, ¥याली व जनप्रदर्शन यायेगु क्वःछिउगु दु । अथे हे मोर्चां संविधान जारी जूगु असोज ३ गते न्हियात हाकुगु न्हिया रुपय् हनेगु निर्णय नं याःगु दु । थःपिं लिसे असहमति दुगु संविधानया धारा व उपधारायात च्याकाः संविधान दिवस कुन्हु हाकुगु न्हि हनेगु व थरुहट युवा दस्ता सार्वजनिक याये गु खँ प्रवक्ता चौधरी कनादीगु दु ।
LEAVE YOUR COMMENTS