ने. सं. ११४६ बछलागा पञ्चमी -

सिक्किमय् नं भिंद्यः जात्रा

येँ – भारतीय प्रान्त सिक्किमय् नेवाः संस्कृति व संस्कार ब्वलंका यंकेगु झ्वलय् आः भिंद्यः जात्रा नं शुरु जूगु दु । थुगुसी अनया रंगोलीइ स्थानीय रंगोली भीमसेन मन्दिर कमिटीया ग्वसालय् स्वनिगःया यलय् थें वहे न्हि कुन्हु भिंद्यः जात्रा याःगु खः । अन च्वंपिं स्थानीय नेवाःत मिले जुयाः भिंद्यःया मूर्तियात खतय् तयाः उगु जात्रा याःगु खः ।

जात्राया झ्वलय् मनूतय्सं क्वबियाः खःयात देय् चाःहीकेगु ज्या याःगु खः । छुं दँ न्ह्यः तिनि सिक्किमया रंगोलीइ भिंद्यःया देगः पलिस्था याःगु खः । अनंनिसें हे अन च्वंपिंने वाःतय्सं भिंद्यःयात खतय् तयाः थ्व जात्रा नं चले याना वयाच्वंगु खः । सिक्किमय् यँयाः पर्व नं तःजिक न्यायेका वयाच्वंगु दु । अन कुमारीया खः सालाः यँयाः न्याये कीगु खः ।