प्राइम लाइफं छगू कित्ताय् १.६ हकप्रद बीगु

येँ – प्राइम लाइफ इन्स्यारेन्सं छगू कित्ता शेयर बराबर १.६ कित्ता हकप्रद शेयर बीगु जूगु दु । थुकिया निंतिं कम्पनीं वइगु फागुन १७ गते बुक क्लोज यायेत्यंगु दु । कम्पनीं पितबिउगु हकप्रद काःपिं कम्पनीं बिइगु लाभांस नं दइगु खँ धाःगु दु ।

कम्पनीं ३२.५ प्रतिशत बोनस शेयर व उगु बोनस शेयर लगे जुइगु लाभांश नं बीत्यंगु दु । थ्व ल्याखं हकप्रद निष्काशन जुइधुंकाः कम्पनीया शेयरधनीतय्त १२.५ प्रतिशत लाभांश दइ ।

थौंकन्हय् कम्पनीया चुक्ता पुँजी ६१ करोड तका थ्यनाच्वंगु दु । कम्पनीं हकप्रद पितबीवं चुक्ता पुँजी १ अर्ब ५८ करोड ६५ लाख थ्यनीसा उकी नं १२.५ प्रतिशत बोनस बीधुंकाः चुक्तापुँजी १ अर्ब ७८ करोड थ्यनी । कम्पनी चालु आर्थिक दँया निगूगु त्रैमासिक दुने हे ११ करोड ५१ लाख तका खुद नाफा कमे यायेधुंकूगु दु ।