स्वयेबहम्ह कासामि (इजी कावाशिमा, गोलकिपर, जापान)

इजी कावाशिमा, गोलकिपर, जापान

भेट्रान कासामि इजी कावाशिमा जापानया अनुभवी गोलकिपर खः । कावाशिमा थःगु फुटबलया ट्रेनिङ इटली वनाः काःगु खः । सन् २०१० य् विश्वकप म्हितेधुंकाः जक इजी कावाशिमां युरोपियन क्लबपाखें म्हितेगु सुरु याःगु खः । दक्षिण अफ्रिकाय् जूगु विश्वकप न्ह्यः जापानया क्लबं जक म्हिताच्वंम्ह कावाशिमा थौंकन्हय् फ्रेञ्च क्लब मेट्जपाखें म्हिताच्वंगु दु ।

३५ दँया कावाशिमाया थ्व स्वक्वःगु विश्वकप खः । कावाशिमां लिग चरणया पोल्यान्ड विरुद्ध जूगु अन्तिम कासाय् थ्व विश्वकपया हे उत्कृष्ट बचाउ यानाः सकसियां वाहवाहि काःगु खः ।
कावाशिमा न्हय्गू भाय् सःम्ह कासामि खः ।