प्रदेश नं. ३ या दक्वं स्थानीय तहय् उद्यान

येँ – प्रदेश नं. ३ सरकारं प्रदेशया दक्वं स्थानीय तहय् उद्यान निर्माण याइगु जूगु दु । प्रदेश नं. ३ सरकारं थःगु प्रदेशय् लाःगु ११९ गू स्थानीय तहय् शान्ति उद्यान निर्माण यायेत्यंगु खः । प्रदेश सरकारं प्रदेशया दक्वं स्थानीय तहय् शान्ति उद्यान निर्माणया निंतिं वइगु आर्थिक दँ ०७६-७७ या निंतिं १० गू करोड बजेट नं विनियोजन याःगु दु ।

प्रदेशया आन्तरिक मामिला तथा कानून मन्त्रालयं प्यदँया दुने निर्माण सम्पन्न यायेकथं उद्यान निर्माण यायेत्यनागु जानकारी बिउगु दु । उद्यान निर्माणया निंतिं स्थानीय तहलिसें न्हापां प्रस्ताव माग यायेगु व प्राप्त प्रस्तावया लिधंसाय् बजेटय् दुने च्वनाः ज्या यायेगु तयारी मन्त्रालयं याःगु दु ।

मन्त्रालयं प्रदेशया दक्वं स्थानीय तहय् पर्यटकीय क्षेत्रया रुपय् विकास यायेगु उद्देश्यं शान्ति उद्यान निर्माण यायेत्यंगु खः । प्रदेश नं ३या आन्तरिक मामिलालिसें कानून मन्त्री शालिकराम जम्कट्टेलं स्थानीय तहलिसेया साझेदारीइ स्थानीय तहयात नं लगानी याकाः उद्यान निर्माण यायेगु जानकारी बियादिल ।

नेपालभाषा टाइम्स

च्वमिया मेमेगु

• थुकथं न्ह्यात बोडेया म्ये प्वाः खनीगु जात्रा
• बिस्काःया झ्वलय् थिमिइ ‘सुथसिया याः’ न्यायेकल
• छायादेवीया जग्गा पुखू प्रमाणित
• पाहाँचःह्रे क्वचाल
• ताेखाय् बिस्काःया निंतिं यःसिं थन