विश्व मानवतावादी दर्शनया विकासय् बुद्धया योगदान विषयय् गोष्ठी

येँ – नेपाल प्रज्ञा प्रतिष्ठान दर्शन विभाग व मानवतावादी संघ (सोच) नेपालया मंकाः ग्वसालय् प्रज्ञा प्रतिष्ठानय् विश्व मानवतावादी दर्शन विकास सम्बन्धी गोष्ठि जुल । विश्व मानवतावादी दर्शनया विकासय् गौतम बुद्ध व जयपृथ्वीबहादुर सिंहया योगदानया विषययात कयाः उगु गोष्ठि जूगु खः ।

प्रतिष्ठानया कुलपति गंगाप्रसाद उप्रेतीं गोष्ठिया उलेज्या यासें झीगु दर्शन बांलाक प्रचार मजूगुलिं मेपिंसं थःपिनिगु धर्म व दर्शनयात हे थःगु थें च्वंक नालाच्वंगु धासें झीगु सामथ्र्य छु खः धकाः स्पष्ट क्यनेत दर्शनयात झी थःपिंसं हे अपनत्व नालेमाः धयादिल । प्रतिष्ठानया पुलांम्ह उपकुलपति बैरागी काइंलां जीवनय् आनन्दया निंतिं इमान्दार व निष्पक्ष जुयाः थीथीकथं मेपिनिगु सेवा यायेगु भावं ज्या यायेमाः धयादिल ।

ज्याझ्वलय् त्रिभुवन विश्वविद्यालय प्राणीशास्त्र विभागया प्रा. डा. नन्दबहादुर सिंहं विश्व मानवतावादी दर्शनय् जयपृथ्वीबहादुर सिंहया योगदान व डा. खगेन्द्र प्रसाइं मानववाद, बुद्ध व आत्मलोचना चेतना विषयय् ज्यापौ न्ह्यब्वयादीगु खः ।

सोच नेपालया अध्यक्ष बालकृष्ण नेपालया सभापतित्वय् जूगु गोष्ठिइ प्रतिष्ठानया सदस्य सचिव जयप्रसाद उपाध्यायं लसकुस यानादीगु खःसा डा. देवी नेपाल, रमेश पौडेल व विपीन श्रेष्ठपिंसं थीथी न्हयसः तयादीगु खः ।

सम्बन्धित बुखँ

LEAVE YOUR COMMENTS