आवंलि यल नगरप्रहरीया ड्युटी मूमू लँय्

यल (नेपालभाषा टाइम्स) – यल महानगरपालिकाया नगर प्रहरीं आः मू मू लँय् च्वनाः नियमित ड्युटी याइगु जूगु दु। ट्राफिक प्रहरी लिसे जानाः सवारी व्यवस्थापन यायेगु, लँपु जःखःया सतकया अवस्थाया रेखदेख, फुटपाथ नियन्त्रण, पार्किब व्यवस्थापन यायेगु कथं म्हिगः निसें यलया खुगू मू द्वातय् नगर प्रहरी तैनाथ याःगु खः ।

यल मनपाया मेयर चिरिबाबु महर्जनया योजना व निर्देशन कथं कुपण्डोल, हरिहर भवन, पूच्वः, जाह्वलाख्यः, लगंख्यः व मंगलबजारय् नियमित ड्युटी शुरु याःगु खँ नगर प्रहरी प्रमुख सीताराम हाछेथुं धयादीगु दु । वय्कःया कथं यल नगर प्रहरीं सवारी व्यवस्थापन यायेगु जक मखुसें, लँया जःखः फुटपाथय् व्यापारीयात व्यापार याके मबीगु, होर्डिङ बोर्ड तयेके मबीगु, सतक म्हुइके मबीइगु ज्या नगर प्रहरीं याइ । वय्कःया कथं यल मनपां सतकय् दयेकूगु साइकल लेनयात प्रभावकारी दयेकेत व लाथेपाथे जुयाच्वंगु पार्किबया निगरानी व नियन्त्रण यायेत नं आः नगर प्रहरी हे
ज्या याइ ।