वज्राचार्य क्लबया वेबसाइट

येँ – वज्राचार्य क्लबया आधिकारिक वेबसाइट संचालनय् वःगु दु । क्लबं www.bajracharyaclub.org.com.np वेबसाइट संचालनय् हःगु खः । थन जूगु छगू ज्याझ्वःया दथुइ प्रा. डा. सुवर्णलाल वज्राचार्यं उगु वेबसाइटया औपचारिक रुपं शुभारम्भ यानादिल ।

ज्याझ्वलय् नवासें प्रा. डा. वज्राचार्यं वेबसाइटपाखें विश्वयात वज्राचार्यं समुदायया गतिविधित सम्प्रेषण यानाः सुसूचित यायेगु व विश्वन्यंकं न्यनाच्वंपिं वज्राचार्य समुदाययात छगू हे थासय् हइगु खँय् थः विश्वस्त दु धयादिल ।

क्लबया संस्थापक अध्यक्ष शैलेन्द्र वज्राचार्यं थुगुसी स्वन्ति स्वयां न्ह्यः ‘वल्र्ड वज्राचार्य अवार्ड’ ज्याझ्वः यायेगु घोषणा यासें उगु ज्याझ्वःया निंतिं आवश्यककथं सुचं संकलन यायेत वेबसाइटया प्रयोग गाक्कं यायेमाःगु खँय् बः बियादिल । वेबसाइट निर्माण यानादीम्ह सुजन वज्राचार्यं वेबसाइट गुकथं संचालन यायेगु बारे प्रयोगात्मक रुपं प्रशिक्षण बियादीगु खः ।

क्लबया अध्यक्ष ज्योति वज्राचार्यया सभापतित्वय् जूगु ज्याझ्वलय् वज्रयान महासंघया अध्यक्ष राजेन्द्रमान वज्राचार्य, वज्राचार्य संरक्षण समितिया उपाध्यक्ष सागरमान वज्राचार्य, वज्राचार्य समन्वय परिषद्या अध्यक्ष अनाररत्न वज्राचार्यं लगायतं वज्राचार्य छगू थर जक मखसे वज्रयानय् आचार्य उपाधी धारणकर्ता जूगुलिं मेमेगु क्रियाकलापलिसें अत्यावश्यकीय कर्मकान्डय् नं अभ्यस्त जुया वनेमाःगु खँय् बः बियादिल ।

क्लबं दँय्दसं ‘शान्तिपुर’ नांया दँपौ पिथना वयाच्वंगु दुसा दँय्दसं पंजरांकुन्हु मंकाः पंजरां ज्याझ्वः ग्वसाः ग्वयाः उकिं संकलन जूगु ध्यबा येँया थीथी बहाःबही, महाविहार जिर्णोद्वार यायेगु ज्याय् ग्वाहालि याना वयाच्वंगु दु ।

नेपालभाषा टाइम्स

च्वमिया मेमेगु

• तोखाया धर्म संस्कृति सम्बन्धी सफू
• यःसिं हनुमानध्वाखा थ्यन
• देय दबूया स्वीक्वःगु बुसादँ हन
• आः लाइसेन्सया पलेसा क्युआर कोर्ड दुगु रसिद
• माओवादीपाखें नं खुसि मापदण्डया विरोध