एनिमिया जुइबलय् छु नयेगु ?

झीगु म्हय् हि म्हो जुइगु कारण थीथी दु । अप्वः धयाथें मस्त, मिस्तय्त हिया कमी जुइगु एनिमियाया खतरा अप्वः दयाच्वनी । मिस्तय्त थिइमजिउ जुइबलय् हि कुहां वइगु कारणं व गर्भावस्थाय् अप्वः हि मगाइगु समस्या जुयाच्वनी ।थथे हि मगाइबलय् अज्याःगु छुं छुं नसा झीसं नयेमाः, गुकिं झीगु म्हय् हि अप्वयेकाबी, लिसें छुं छुं नसाज्वलंया परहेज नं याये फयेकेमाः ।

१) एनिमियाया समस्यापाखें बचे जुइत रेड मीट, सीफूड व ख्येँ फाइनाजनक जुइ । तर यदि छि शाकाहारी खःसा मुस्या, कःछि, गंगु मेवा व एप्रिकोटं नयेबलय् फाइदा याइ ।

२) ताजा वाउँगु तरकारि लिसें थीथी कथंया दाल नयेगु यायेमाः, थुकिं छिगु म्हय् आइरनया कमी याके बीमखु । आइरनया कमी मजुल धाःसा एनिमियां थी फइमखु ।

३) छिगु नसा ज्वलनय् सिसाबुसायात नं दुथ्याकादिसँ । सिसाबुसाय् दइगु भिटामिनं शरीरय् आइरन प्रवाह यानाबी, लिसें थुकिं आइरनया क्षमता अप्वयेकेत नं ग्वाहालि ।

४) च्या वा कफि तसकं पू पू त्वनादीमते । थुकिं झीगु शरीरयात आइरन सोसे यायेत थाकुकाबी ।

५) चिकित्सकया सल्हा बिनाः आइरन चक्की गुबलें नं नयादीमते । हिया जाँच व चिकित्सकया सल्हा लिपा जक आइरन चक्की नयेगु यायेमाः । छाय्धाःसां शरीरय् आइरन अप्वल कि नं समस्या जुइफु ।