नेपाःया भूउपग्रहं असार २ निसें पृथ्वीया परिक्रमा याइगु

येँ – नेपालं दकलय् न्हापां प्रक्षपेण याःगु भूउपग्रह नेपाली स्याट १ असार २ गते निसें पृथ्वीया परिक्रमा याइगु जूगु दु । जापानया क्युटेक विश्वविद्यालयं नेपाःया निंतिं न्हापांखुसी वंगु वैशाख ४ गते भूउपग्रह प्रक्षेपण याःगु खः । लत्या न्ह्यः अन्तर्राष्ट्रिय अन्तरिक्ष कक्ष आइएसएसय् लानाच्वंगु उगु भूउपग्रहं असार २ गते निसें पृथ्वीया कक्षय् वयाः परिक्रमा यायेत्यंगु खः ।

नाष्टय् ग्राण्ड स्टेशन दयेकेगु ज्या जेठ २७ गते तक क्वचाइ व नेपाली ई कथं उकुन्हु हे भूउपग्रह पृथ्वीइ छ्वइगु खँ नेपाल विज्ञान तथा प्रविधि प्रज्ञा प्रतिष्ठान (नाष्ट)या प्रविधि संकाय प्रमुख रवीन्द्रप्रसाद ढकालं धयादीगु दु ।‘नास्टया श्रोतागण कक्षपाखें उकुन्हु साढे १२ बजेनिसें कार्यक्रम सुरु जुइ ।

भूउपग्रह प्रक्षेपण याःगु ई नास्टं प्रत्यक्ष प्रशारण यानाः क्यनी’ ढंकालं धयादिल । थुकिया निंतिं जापान अन्तरिक्ष अन्वेषण संस्था –जाक्सा)या निम्ह विज्ञतय् नेपाः वयेत्यंगु दु । उकुन्हु २० मिनेट दुने न्हापां नेपाःया स्याट १, थ्व धुंकाः श्रीलंकाया रावन १ व अन्तय् जापानया युवुसु भूउपग्रह प्रक्षेपण जुइ ।

लत्या न्ह्यव हे उगु भूउपग्रह ४०० किलोमिटर च्वय् सर्गतं अन्तरिक्ष यान पृथ्वीया सतहय् स्वायेत सफल जूगु खः । जाक्सां थ्व भूउपग्रह दयेकेत नमूना तयार यानाः सफल याःगु खँ नाष्टया प्रवक्ता सुरेशकुमार ढुंगेलं धयादिल । थ्व प्रविधि सुरक्षित जुयाच्वनेत पृथ्वीया गुरुत्वाकर्षणपाखें बचे जुयाच्वनेमाःगु खँ वय्कलं धयादिल ।

लत्या न्ह्यः अन्तर्राष्ट्रिय अन्तरिक्ष कक्ष आइएसएसय् लानाच्वंगु उगु भूउपग्रहं असार २ गते निसें पृथ्वीया कक्षय् वयाः परिक्रमा यायेत्यंगु खः ।

थ्व भूउपग्रहया आयु स्वला निसें स्वदँ तकया जुइ । सरकारं नेपालय् सन् २०१७ निसें उगु भूउपग्रह दयेकेगु योजना न्ह्याकूगु खः ।कन्हय् निसें विज्ञान सडक मेला शिक्षा, विज्ञान तथा प्रविधि मन्त्रालय व नेपाल विज्ञान तथा प्रविधि प्रज्ञा प्रतिष्ठान (नाष्टं) न्हापांखुसी नेपालय् मंकाः कथं निन्हुयंकंया विज्ञान सडक मेला २०१९ याइगु जूगु दु ।

समाजय् जूगु अनुसन्धान व हिउपाःया खँ जनमानसय् प्रचार यानाः विज्ञान व प्रविधिया माध्यमं मनोरञ्जनया लिसें न्ह्यःने न्ह्याकेत मंगलवाःनिसें जावलाखेलय् उगु सतक मेला जुइत्यंगु खः । उगु मेलाय् फुक्क उमेरयापिं मनूतय्त विज्ञान देशब्यापी रुपं आवश्यक दुगु जानकारी बिइगु खँ नाष्टया प्रविधि संकाय प्रमुख रवीन्द्रप्रसाद ढकालं कनादिल ।

‘मेलाय् वैज्ञानिक व सर्वसाधारण दथुइ विज्ञान, प्रविधि, नवीनता व परिवर्तन सम्बन्धी थीथी विषयय् चर्चा परिचर्चा जुइ’ ढकालं धयादिल ‘मेलाय् दुथ्याःपिं फुक्क उमेरयापिं मनूतय्सं सहलह यानाः यक्व उपयोग जानकारी चूलाकेफइ । ’