थप २म्हेसित कोरोना, २म्ह अस्पतालं डिस्चार्ज

येँ – नेपालय् हानं मेम्ह निम्हेसित कोरोना भाइरस (कोभिड–१९)या संक्रमण खनेदुगु दु ।

स्वास्थ्य तथा जनसंख्यामन्त्रालं बिउगु जानकारी कथं उदयपुरया ५५दँया मिसा व जनकपुरया १४दँया ल्याम्हयात कोरोनाया संक्रमण जूगु खः । थ्व नापं आः कोरोना संक्रमण जूपिनि ल्याः ४७म्ह थ्यंगु दु ।

अथेहे पाटन अस्पतालय् वासः जुयाच्वपिं निम्हेसित अस्पतालं डिस्चार्ज याःगु दु । येँया पेप्सीकोलाया ५८दँया मिजं व ८१दँया मिसाया लिप्पांगु रिपोर्ट नेगेटिभ वयेवं उमितं अस्पतालं डिस्चार्ज याःगु खः ।