ख्वपया समाजसेवी प्रजापति मंत

ख्वप – थनया स्थानीय समाजसेवी गोपीकृष्ण प्रजापति ८४ दँया वैंशय् मंत । निक्वः जंक्व क्वचाये धुंकूम्ह वय्कः ताःई न्ह्यवंनिसें न्हापनं मताइगु समस्या जुयाच्वंम्ह खः । आकाझाकां म्ह झ्यातुया वयेवं वय्कःयात अस्पताल यंकूगु खःसा वासः याकुयाकुं वय्कः मदुगु खः । थीथी सामाजिक व धार्मिक संघसंस्थाय् संलग्न जुया वयाच्वनादीम्ह वय्कः बौद्ध अध्ययन समाजपाखें पिथना वयाच्वंगु अर्हत नांया स्वलापौया दाता नं खः । वय्कलं छगू दर्जन स्वयां अप्वः स्कुलया मस्तय्त लखौं तकाया छात्रवृत्ति नं बिया वयाच्वनादीगु खः ।

सम्बन्धित बुखँ

LEAVE YOUR COMMENTS