न्हूगु शहर दयेकेत स्थानीय जनतां जग्गा मबीगु

येँ – येँया उत्तरपूर्वी भेगया स्वंगू नगरपालिकां न्हूगु शहर दयेकेगु धकाः शुरु याःगु योजनाया लागिं स्थानीय जनतां जग्गा मबीगु जूगु दु । सक्व नपा–९ का स्थानीयवासीं थःपिंत जानकारी तकं मबिसे अपारदर्शी ढंगं आयोजना सुरु याःगु धासें सरकारं रोक्का यानातःगु जग्गा फुक्का यायेत माग याःगु दु । नगरवासीं गठन याना तःगु इन्द्रायणी सरोकार समितिं वडा कार्यालय, नगरपालिका व आयोजना कार्यालययात वंगु भदौया न्हापांगु वालय् बियातःगु विरोधपौया सुनुवाई मजूगु धासें थःपिं न्हूगु शहर दयेकेगु आयोजनाय् सहभागी मजुइगु खँ धाःगु दु ।

थुकिया विरोधय् स्थानीय जनतां थ्वहे भदौ २३ गते वडा ज्याकुथी धर्ना व तालं ग्वयेगु ज्या नं यायेत्यंगु दु । वडावासीं जग्गा एकीकरण यानाः प्लटिङ यायेबलय् वा पीगु बुँ फुइगु व सम्पदा नं नास जुइ धासें विरोध याःगु खः । अनया ८५ प्रतिशत मनूत बुँज्याय् निर्भर जूगुलिं कंक्रिटया जङ्गल दयेकेम्वाःगु खँ स्थानीय मनूतय्सं धयाहःगु दु ।

सक्व–९, कागेश्वरी मनोहरा नपा– १, २, ३, ४ व गोकर्णेश्वर नपा–१, २ व ४ दुथ्याकाः पूर्वी काठमाडौँ नयाँ शहरी विकास आयोजनां स्थानीयवासीया जग्गा रोक्कासम्बन्धी सुचं पिथनेवं विरोध शुरु जूगु खः । थ्व स्वयां न्ह्यः कागेश्वरी मनोहरा व गोकर्णेश्वर नपाया स्थानीय जनतां नं विरोधपौ बिउगु खः ।
थु

किया विरुद्ध अदालतय् मुद्दा तयेत वडावासीं प्रत्येक छेँखां निद्वः निद्वः तका दां नं उठे यायेधुंंकूगु खँ समितिं धाःगु दु ।

सम्बन्धित बुखँ

LEAVE YOUR COMMENTS