प्रधानन्यायाधीश विरुद्ध कानुनी व्यवसायीतय्सं न्याय परिषद् घेरे यात

येँ– नागरिकता विवादय् लानाच्वंम्ह प्रधानन्यायाधीश गोपाल प्रसाद पराजुलीया राजीनामा माग यासें कानुनी व्यवसायीतय्सं न्यायपरिषदया ज्याकू घेरे याःगु दु । कानुन व्यवसायीतय्सं बुधवाः पुल्चोकय् च्वंगु न्यायपरिषद्या ज्याकू घेरे यानाः घौछि धर्ना बिउगु खः ।

थौं न्यायपरिषद्या बैठक च्वनेत्यंगुलिं उगु बैठकय् हे अवरोध यायेकथं थ्व घेराउ जूगु खँ धाःगु दु । थौं जिल्ला अदालत, उच्च अदालत व सर्वोच्च अदालतया खाली जुयाच्वंगु न्यायाधीश पदया निंतिं न्यायाधीश सिफारिश यायेत बैठक च्वनेत्यंगु खः ।

विवादय् लानाच्वंम्ह प्रधानन्यायाधीशया अध्यक्षताय् बैठक च्वनाः छुं नं कथंया निर्णय यायेदइमखु धकाः कानुनी व्यवसायीतय्सं थ्व धर्ना च्वंगु खः ।
प्रधानन्यायाधीश पराजुलीं थःगु उमेर म्हो क्यनेत प्यंगूगु नागरिकता दयेकातःगु लिसें एसएलसीया मार्कसिट तकं निगू दयेकातःगु दु । वय्कःया सुरुया नागरिकता कथं उमेर हदबन्दीया कारणं प्रधानन्यायाधीश पद पाखें न्हापा हे अवकाश कायेमालेधुंकूगु खः । तर बुन्हि हे हिलाः मेगु नागरिकता कयातःगु खँय् वय्कः तसकं विवादय् लानाच्वंगु दु ।

नेपालभाषा टाइम्स

च्वमिया मेमेगु

• ‘नुगः चफुना’ या म्यूजिक भिडियो पिदन
• नेपालभाषाया न्हूगु श्रृंखला वइगु
• एनपिएल ः जनकपुर व चितवन त्यात
• बौद्धविद्वान प्रजापतिया हना
• प्रधानमन्त्री ओलीया चीन भ्रमण, छुं न्हूगु सम्झौता मजुइगु