संविधानसभाया दुजःपिंत संविधान पदक
येँ – निगू संविधानसभाय् दुजः जुयाः संविधान दयेकेगु ज्याय् ग्वाहालि याःपिं संविधान सभाया सकलें पुलांपिं सभासद्तय्त सरकारं संविधानसभा पदक बीगु जूगु दु । थ्वहे वइगु जेठ १६ गते राष्ट्रपतिया ल्हातं वय्कःपिं सकसितं थ्व पदक लःल्हायेगु तयारी जुयाच्वंगु दु । निगुलिं संविधान सभाय् यानाः मुक्कं ११११ म्ह सभासद्तय्त थ्व पदक बीगु तयारी जुयाच्वंगु दु ।
उकी न्हापांगु नम्बरय् स्वय्म राष्ट्रपति विद्यादेवी भण्डारीया नां दुसा निगूगु नम्बरय् प्रधानमन्त्री केपी ओलीया नां दुथ्यानाच्वंगु दु । संविधानसभा पदक काइपिं पुलांपिं सभासद्तय्सं उगु पदक कायेगु लागिं धाःसा ग्रेकोट वा हाकुगु कोट सहित तपाः लंसुरुवाः हे फिनाः वयेमाःगु सुचं गृह मन्त्रालयं जारी याःगु दु ।
लुमंकेबहः जू, उगु संविधानसभाय् प्रधानमन्त्री जुयादीपिं पुष्पकमल दाहाल, डा. बाबुराम भट्टराईपिं गबलें नं तपाःलं सुरुवाः पुनाः सदनय् वनेगु मयाः ।
LEAVE YOUR COMMENTS