एसईई जु हे जुइ – प्रवक्ता, शिक्षा मन्त्रालय

येँ – कोरोना भाइरस महामारीया ग्याःचिकुया दथुइ एसईई परीक्षा कायेमजिउगु विज्ञतय् सुझाव वयाच्वंगु इलय् शिक्षा मन्त्रालयया अधिकारीतय्सं एसईई परीक्षा जुइगु खँ धाःगु दु ।

विज्ञतय्सं आःया अवस्था एसईई परीक्षा मयासे आन्तरिक मूल्यांकनया आधारय् च्वय्या तगिमय् छ्वयेमाःगु सुझाव बियाच्वंगु दु । शिक्षा मन्त्रालयया अधिकारीतय्सं धाःसा थज्याःगु सुझावं विद्यार्थी व अभिभावकतय्त झन अन्योल यानाबिउगु धासें एसईई परीक्षा जु हे जुइगु खँ धाःगु दु । शिक्षा पत्रकार सञ्जालं याःगु छगू अनलाइन ज्याझ्वलय् मन्त्रालयया सहसचिव व प्रवक्ता दीपक शर्मां आःया शिक्षा ऐन कथं लिखित परीक्षापाखें जक एसईईया मान्यता जुइगु जूगुलिं एसईई अवश्य जुइ धयादीगु दु ।

वय्कलं धयादीगु दु, ‘यदी आन्तरिक मूल्यांकन पाखें एसईईया मान्यता बीगु ऐन हे संशोधन यायेमानि । तर मन्त्रालयं आः थथें ऐन संशोधन यायेमाः धयागु पक्षय् मदुनि ।’

राष्ट्रिय परीक्षा बोर्डया अध्यक्ष चन्द्रमणि पौडेलं लकडाउन चाःगु निवाः लिपा एसईई व मेमेगु परीक्षा जुइगु खँ धयादीगु दु ।

सम्बन्धित बुखँ

LEAVE YOUR COMMENTS