ज्याकू निगू सिफ्टय् चालीगु

येँ – सरकारं सरकारी, निजी नापं बैंक व वित्तिय संस्थया ज्याकू निगू सिफ्टय् चायेकेगु निर्णय याःगु दु । बुधवाः च्वंगु मन्त्रिपरिषदया मुँज्यां याःगु निर्णय सार्वजनिक यानादिसें सरकारया प्रवक्ता नापं अर्थमन्त्री डा. युवराज खतिवडां ज्याकूत निगू सिफ्टय् चालीगु धयादिल ।

ज्याकू चायेकेगु इलय् कर्मचारीत दथुइ अनिवार्य रुपं दूरी कायम यायेमाःगु खँ नं मन्त्री खतिवडां धयादिल । निर्णय कथं ज्याकूत सुथय् ८ बजे निसें १ बजे तक व १ बजे निसें ६ बजे तक संचालन जुइ । सरकारं याःगु थुगु निर्णयपाखें आर्थिक दँया लिप्पांगु इलय् जुइगु ज्याया व्यवस्थापन यायेत ग्वाहालि जुइगु मन्त्री खतिवडां धयादिल । सरकारं याःगु थुगु निर्णय असार १ गते निसें लागू जुइ ।