इंग्ल्याण्ड ६ विकेटं त्यात
एजेन्सि- इंग्ल्याण्डं पाकिस्तानलिसेया एकदिवसीय क्रिकेट सिरिजया स्वंगूगु कासाय् पाकिस्तानयात ६ विकेट बुकूगु दु । पाकिस्तानं बिउगु ३५९ रनया लक्ष्य इग्ल्याण्डं ४४.५ ओभरय् प्यंगू विकेटया क्षतिइ पूवंकूगु खः । इंग्ल्याण्डया ओपनर जोनी बेयरस्टों शतक दयेकूगु खः । जोनीं ९३ बलय् १५ चौका व न्यागू छक्का प्रहार यानाः १२८ रन दयेकूगु खः । अथेहे इंग्ल्याण्डया निंतिं जोसन रोएं ७६ , मोइन अलीं ४६, जो रुटं ४३, बेन स्टोक्सं ३७ व कप्तान ओइन मार्गनं अविजित १७ रन दयेकल ।
टस बुनाः न्हापां ब्याटिङ्ग याःवःगु पाकिस्तानं निर्धारित ५० ओभरय् ९ विकेटया क्षतिइ ३५८ रन दयेकूगु खः । पाकिस्तानया इमाम उल हकं १३१ बलय् १६ चौका व छगू छक्का प्रहार याना १५१ रन दयेकाः उत्कृष्ट प्रदर्शन याःगु खः । उल हकया एकदिवसीय कासाय् थ्व उत्कृष्ट रन खःसा वयागु थ्व खुगूगु शतक खः । अथेहे आशिफ अलीं ५२, हरिस सोहिलं ४१, सरफराज अहमिद २७, इमाद वासिमं २२, हसन अलीं १८ व बाबर आजमं १५ रन दयेकूगु खः ।
त्र्रिmस वोक्सं इंग्ल्याण्डया निंतिं प्यंगू विकेट काल । अथेहे टम करनं निगू, डेभिड विल्ली व लियाम प्लन्केट छगू छगू विकेट काल । पाकिस्तानया निंतिं जुनैद खान, फहिम असरार्फ व इमाद वासिमं छगू छगू विकेट काःगु खः ।
न्यागू एकदिवसीय शृङ्खलाय् इंग्ल्याण्डं २–० अग्रता काःगु दु । न्हापांगु कासा वा वयाः बराबरी जूगु खःसा निगूगु कासा पाकिस्तान १२ रन पराजित जूगु खः । सिरिजया प्यंगूगु कासा शुक्रवाः जुइ ।
LEAVE YOUR COMMENTS