
बलिउडया आपालं कलाकारतय् इहिपा न्ह्यः मेपिं कलाकारतय् नाप सम्बन्ध दुगु चर्चा वयाच्वं । व नं छम्ह निम्ह मखु तःम्ह हे कलाकारनापया सम्बन्धया चर्चा गाक्कं जू । उकीमध्ये छम्ह खः बलिउड खेलाडी अक्षय कुमार । नायक अक्षयया नं नायिका ट्विंकल खन्नालिसे इहिपा याये न्हयः आपालं मेपिं नायिकालिसे सम्बन्ध दुगु चर्चा मजूगु मखु ।
बलिउड फिल्मय् नायक, खलनायक, कमेडी, एक्सन आदि हरकेकथंया भूमिकाय् थःत सफल सावित यायेत सफल अक्षययात हालय् छगू अवार्ड ज्याझ्वलय् छगू अजू चायापुगु न्ह्यसः न्यंगु जुयाच्वन । अक्षययात व थम्हं अभिनय याःगु फिल्ममध्ये गुगु फिल्म थः मस्तय्त क्यनेत इच्छुक मदु धइगु न्ह्यसःया लिसलय् अक्षयं ‘गरम मसला’ संकिपा थः मस्तय्सं मस्वयेमा धइगु इच्छा जूगु धाःगु खः ।
गरम मसलाय् अक्षयं प्यम्ह नायिकालिसे ‘डेटिंग याःगु हास्य कमेडी फिल्म खः ।अक्षयं थुकिया कारणयात अझ स्पष्ट यायेगु कुतलय् धाःगु दु, कि ‘जिं थः काययात धाये कि अबलय्या जेनेरेशन अलग खः, थौंया अलग । उकिं थज्याःगु खँय् आः विचाः तकं याये फइमखु ।’
थम्हं फिल्मया भूमिकाकथं प्यम्ह मिसानाप डेटिंग यानागु खःसां वास्तविक जीवनय् थः कायं प्यम्ह मिसा नापं डेटिंग मयाये मा धइगु इच्छा दुगु तप्यंक मधासे चाःहिकाः धाःगु दु ।
LEAVE YOUR COMMENTS