ने. सं. ११४३ तछलाथ्व त्रयोदशी -

त्रिशुलीइ ¥याफ्टिङ व्यवसाय संकटय्

येँ – त्रिशुली खुसिइ लाक्वपाक्व ढंगं जुयाच्वंगु फि, चागः उत्खननं यानाः ¥याफ्टिङ्ग व्यवसायय् संकटय्लाः वंगु दु । खुसि दुने हे मेसिन तयाः ल्वहं, फि, चागः लिकायेगु ज्यां यानाः ¥याफ्टिङ्ग हे यायेमफइगु अवस्था वःगु खः । ताःई न्ह्यवनिसें जलयात्रा व्यवसाय याना वयाच्वनादीम्ह एडभेन्चर रिभर ट्रेलया कमल ठकुरीं लाक्वपाक्वढंगं खुसिं फि, चागः लिकायेगु लिसें खुसिइ फोहर वांछ्वइगु कारणं थ्व व्यवसाय संकट लाःगु खँ कनादिल ।

वय्कलं धयादिल, ‘उत्खनन व फोहर वांछ्वयेगु ज्यां त्रिशुली खुसिया लः दछियंकं हे बुलुसे च्वनाच्वनी । खुसि दुने हे मेसिन छ्यली,गुकिं यानाः खुसिया धाः हे हिलावनी, थुकिं यानाः खुसिया सौन्दर्य ला न्हनावनीगु हे जुल, लिसें जलयात्राय् नं खतरा जुइ । बजारं पिहां वःगु फोहर तप्यंक त्रिशुली खुसिइ ह.् वांछ्वइ, विदेशी पर्यटकतय्सं थज्याःगु फोहर खनकि जलयात्रा यायेत ययेकीमखु ।’

ठकुरीया कथं थज्याःगु हे कारणं छुं ई न्ह्यवनिसें त्रिशुलीइ ¥याफ्टिङ्ग याःवइपिं पर्यटकतय् ल्याः नं म्हो जूगु दु । गुदँ न्ह्यवनिसें ¥याफ्टिङ्गया गाइड जुया वयाच्वनादीम्ह चितवन इच्छाकामनाया मिलन गुरुङ्गं नं जथाभावी उत्खनन व फोहर वांछ्वइगुलिं त्रिशुली खुसिइ जलयात्रा व्यवसाय संकटय् लानाच्वंगुख ँ धयादिल ।

जलयात्रा व्यवसायी लिसें छुं छुं संघसंस्थातय्सं गुबलें गुबलें याइगु सरसफाइ ज्याझ्वलं जक खुसि सफा मजुइगु खँ वय्कलं धयादिल ।
पृथ्वी राजमार्ग जःखः च्वंगु बजारं पिहां वइगु फोहर न्हियान्हिथं त्रिशुली खुसिइ वांछ्वयेगु यानाच्वंगु दु । नेपाःया थ्यंमथ्यं खुद्वः खुसि मध्ये त्रिशुली, भोटेकोशी, कर्णाली, कालीगण्डकी, सुनकोशी, अरुण, तमोर लिसें झिंखुगू खुसिइ साहसिक जलयात्राया निंतिं खुला यानातःगु दु ।

त्रिशुली खुसि स्वनिगः, पोखरा, चितवन थेंज्याःगु पर्यटकीय शहरपाखें सतिक लाःगुलिं थ्व खुसि जलयात्राया निंतिं नं लोकंह्वाःगु थाय् खः । व्यवसायी ठकुरीया कथं त्रिशुली खुसिया मध्य भाग धादिङ्गया बेनीघाट रोराङ गाउँपालिकाया चरौंदी निसें चितवनया इच्छाकामनास्थित कुरिनटार तकया जलयात्रायात उत्कृष्ट कथं कयातःगु दु ।

सरकारं भ्रमण दँ २०२०यात लक्षित यानाः दुथ्याकूगु सछिगू पर्यटकीय स्थलय् त्रिशुली खुसि नं लाः । गर्मी मौसम सुरु जुइवं त्रिशुली खुसिइ दँय्दसं लखौं स्वदेशी व विदेशी पर्यटकतय्सं जलयात्रा यायेगु यानाच्वंगु दु ।