ससंफो–नयाँ शक्ति एकता वार्ता घनीभूत

येँ – संघीय समाजवादी फोरम नेपाल (संसफो) व नयाँ शक्ति पार्टी नेपाःया दथुइ एकीकरण प्रक्रिया न्ह्यानाच्वंगु खँ सीदुगु दु । निगुलिं पार्टी दथुइ एकता प्रक्रियायात अन्तिम रुप बीगु निंतिं घनीभूत सहलह जुयाच्वंगु खँ नयाँ शक्तिया केन्द्रीय दुजः हिसिला यमिं कनादीगु दु । निगुलिं पार्टीया राजनीतिक सिद्धान्त समाजवाद जूगु व आः देशय् स्वंगूगु धारया आवश्यकता कथं पार्टी एकीकरण जुइगु खँ नं वय्कलं ‘नेपालभाषा टाइम्स’ यात कनादिल । वय्कलं राष्ट्रिय जनमुक्ति पार्टीलिसे नं एकीकरणया कुतः जुयाच्वंगु खँ कनादीगु दु ।