केशव स्थापित भौतिक पूर्वाधार मन्त्री जुइगु

येँ– प्रदेश नं. ३ य् मुख्यमन्त्री जुइगु निंतिं जूगु एमाले संसदीय दलया निर्वाचनय् डोरमणि पौडेलया प्रस्तावक जुयादीम्ह केशव स्थापित प्रदेश मन्त्री जुइगु जूगु दु । स्थापित भौतिक, पूर्वाधार विकास मन्त्री जुइगु खँ दु ।

थौं सुथय् मुख्यमन्त्री डोरमणि पौडेलं मुख्यमन्त्रीया शपथ ग्रहण यानादीवं आः मन्त्रिपरिषद गठनया तयारी जुयाच्वंगु दु । माओवादीपाखें मन्त्री जुइपिनि नां मवःनिगुलिं यानाः सहलह जुयाच्वंगु खँ धाःगु दु ।

एमाले व माओवादी दथुइ मन्त्रालय बाँडफाँटय् नं सहमति जुइमफुनिगुलिं लिबानाच्वंग खँ धाःगु दु । माओवादी पाखें संसदीय दलया नेता शालिकराम जमकट्टेल नं मन्त्री जुइत्यंगु दु । वय्कलं आन्तरिक मामिला व कानुन मन्त्रालयय् दावी यानाच्वंगु दु ।