१११९ म्हेसिया मंकाः प्रव्रज्या

येँ – बुद्ध जन्मस्थल लुम्बिनीइ म्हिगःनिसें १११९ म्हेस्यां प्रवज्या काःगु दु । थ्व प्रवचन २३ न्हु तक न्ह्याइ ।शिविर अन्तर्गत १७ गते मायादेवी लागाय् धार्मिक अनुष्ठान यासें कुलपुत्रपिंसं प्रवज्या काइगु ज्याझ्वः दु ।नेपाःया न्हापांम्ह महासङ्घनायक भिक्षु भद्धन्त प्रज्ञानन्द महास्थवीरया १२९ दँ बुन्हिया लसताय् लाकाः नेपाःया १११९ म्ह कुलपुत्रपिंत प्रवज्जित यायेगु ज्याझ्वः दयेकूगु खँ ग्वसाः खलःपाखें बिज्याःम्ह थाई भिक्षु कोनं कनाबिज्याःगु दु ।

शिविरय् ब्वति कायेत नेपाः, भारत, थाइल्याण्ड लगायत थीथी देशया भिक्षुपिं थौं नेपाः थ्यंकः वइगु जुयाच्वंगु दु ।थाई दातापिं, थीथी विहार व नेपाल पर्यटन बोर्डया ग्वाहालिइ न्याक्वःखुसी लुम्बिनीइ थज्याःगु वृहत् प्रवज्या शिविर आयोजना जूगु खः । सामूहिक रुपं प्रवज्जित जुइवं सकलें भिक्षपिंत देय्या थीथी शहरय् मंकाः कथं भिक्षाटन याकीगु ज्याझ्वः दु । फागुन १७ गते थ्व प्रव्रज्या ज्याझ्वलय् ब्वति कायेत उपराष्ट्रपति नन्दबहादुर पुन लुम्बिनी झाइ ।