लोकसेवायात लिसः

येँ –  प्रदेश २ सरकारं थःगु प्रदेश दुने कर्मचारी भर्ना सम्बन्धी विज्ञापन मयायेत लोकसेवा आयोगयात इनाप याःगु दु । मुख्यमन्त्री लालबाबु राउतं मंगलवाः लोकसेवा आयोगयात पौ च्वयाः संविधानं बिउगु अधिकार कथं थःगु प्रशासन सञ्चालन यायेत माःगु सरकारी सेवा गठन व सञ्चालन सम्बन्धी ज्या थःपिंसं हे यायेगु धासें थःगु प्रदेशय् कर्मचारी भर्नाया विज्ञापन मयायेत इनाप यानादीगु खः ।

प्रदेश दुने कर्मचारी भर्नाया निंतिं प्रदेश लोकसेवा आयोग गठनया तयारी जुयाच्वंगु जानकारी नं वय्कलं बियादीगु दु । ‘प्रदेश नं २ स गठन जुइत्यंगु प्रदेश लोकसेवा आयोगं प्रदेश व स्थानीय तहया निंतिं कर्मचारी भर्नाया ज्या याइगु जूगुलिं प्रदेश नं. २ या प्रदेशस्तर व १३६ स्थानीय तहया हकय् कर्मचारी भर्ना सम्बन्धी विज्ञापन मयायेत इनाप याना’ मुख्यमन्त्री राउतं थःगु पतिइ च्वयादीगु दु ।

संघ, प्रदेश व स्थानीय तहलय् कर्मचारी समायोजन क्वचायेकाः ल्यं दनिगु दरबन्दीइ लोकसेवा आयोगं भर्ना चायेकेगु निंतिं विज्ञापन यायेत तयारी यानाच्वंगु इलय् मुख्यमन्त्री राउतं उगु पौ च्वयादीगु खः ।

नेपालभाषा टाइम्स

च्वमिया मेमेगु

• थुकथं न्ह्यात बोडेया म्ये प्वाः खनीगु जात्रा
• बिस्काःया झ्वलय् थिमिइ ‘सुथसिया याः’ न्यायेकल
• छायादेवीया जग्गा पुखू प्रमाणित
• पाहाँचःह्रे क्वचाल
• ताेखाय् बिस्काःया निंतिं यःसिं थन