ओमानपाखें नेपाः ६ विकेटं पराजित

एसिसि विश्व क्रिकेट लिग डिभिजन २ या निगूगु कासाय् नेपाः ओमानपाखें पराजित जूगु दु । थौं जूगु कासाय् नेपाः ओमानपाखें ६ विकेटं बुकूगु खः ।
थौं नेपालं न्हापां ब्याटिङ यानाः १३९ रन या लक्ष्य बिउगु खःसा ओमानं मुक्कं ४ विकेटया क्षतिइ ३५.१ ओभरय् लक्ष्य पूवंकूगु खः ।

थ्वयां न्ह्यव बिहिवाः जूगु नामिबियाया लिसे जूगु कासाय् नेपालं १३९ रनया हे लक्ष्य ज्वनाः ब्याटिङ यासें छगू विकेटं कासा त्याकूगु खः । नेपाःयात बुकेगु निंतिं ओमानया खलिमउल्लाह याकःचां हे प्यंगू विकेट काःगु खः । नेपाःया निंतिं धाःसा सन्दीप लामिछाने निगू विकेट कालसा सोमपाल कामी व करण केसीं छगू छगू विकेट काःगु खः ।

थ्व कासाय् नं नेपाःया ब्याटिङ लाइन तसकं कमजोर खनेदुगु खः । नेपाःया न्हापांगु विकेट कथं ज्ञानेन्द्र मल्ल मुक्कं ७ रनय् आउट जूगु खः । थौं नं दकलय् अप्वः शरद भेषवाकरं मुक्कं २२ रन दयेकूगु खःसा दिपेन्द्र सिंह ऐरी २० रन, दिलिप नाथं १९ रन, पारस खड्कां १७, सोमपाल कामीं १७, रोहित पौडेलं १४, आरिफ सेखं ६, करण केसीं ४ रन दयेकलसा बसन्त रेग्मी १ रनय् आउट जूगु खः ।