‘स्वीच अन’या सञ्जाल विस्तार

येँ – विश्वस्तरीय इलेक्ट्रोनिक्स सामानया खुद्रा शोरुम चायेको वयाच्वंगु ‘स्वीच अनं’ देय्न्यंकं थःगु शोरुमया सञ्जाल विस्तार यानायंकीगु जूगु दु । येँ नंसाया नारायण चौरय् मू ज्याकु दुगु स्वीच अनया थौंकन्हय् थीथी थासय् नीगू शोरुम संचालनय् वयेधुंकूगु दु ।

स्वीच अनया आउटलेटय् विश्वया उत्कृष्ट ब्राण्डत सामसुङ्ग, हिमस्टार, बजाज, टाइमेक्स, इन्डोएशियन, ओस्रम, अहुजा, ग्यालेन्जल, प्रालिंक, हन्टकी लगायतया ब्राण्डया मोबाइल, टिभी, रेफ्रिजेरेटर, वासिंग मेसि, एलइडी लाइट्स, घडिया लिसें मेमेगु इलेक्ट्रिक्स सामान सुपथ भावं न्यायेफइ ।

स्वीच अनलिसे आवद्ध जुयाः न्हूपिं व्यवसायीपिंसं नं म्हो लगानीइ सुरक्षित व्यवसायय् संचालन यायेफइगु खँ धाःगु दु । थुकी आवद्ध व्यवसायीतय्त व्यवसाय सुरु याये न्ह्यव हे तालिम बीगु लिसें प्रभावकारी विक्री योजना, बजार व्यवस्था, लेखा तयेगु सम्बन्धी जानकारी व मार्गदर्शन बी ।

उपभोक्तातय्त प्रतिस्पर्धी भावय् अन्तर्राष्ट्रिय गणस्तर व श्रेणीया उत्पादन थ्यंकाबीगु उद्देश्य तयाः न्ह्यानाच्वगु स्वीच अनं ग्राहकतय्त ध्यानय् तयाः थीथी स्कीम, अफर व छुट योजना नं न्ह्याकाच्वंगु खँ धाःगु दु । स्वीच अनं थःपिंलिसे जानाः नेपालय् व्यवसाय याये न्ह्याःपिंत साझेदारीया निंतिं आह्वान नं याःगु दु ।

सम्बन्धित बुखँ

LEAVE YOUR COMMENTS