अनलाइनय् अभ्यस्त यायेत ब्रोकरतय् पहल

येँ –  नेपाल स्टक एक्सचेञ्ज (नेप्सें) परीक्षण यानाच्वंगु पूर्ण स्वचालित अनलाइन कारोवार प्रणालीयात लगानीकर्तातय् पहुँच अप्वयेकेगु निंतिं शेयर ब्रोकर कम्पनीतय्सं थः ग्राहकतय् खाता थःपिंसं हे चायेकाबीगु ज्या न्ह्याकूगु दु ।लगानीकर्तातय्त अनलाइन कारोवारय् अभ्यस्त यायेगु निंतिं ब्रोकर कम्पनीतय्सं थःपिंसं हे खाता चायेका बीगु सुरु याःगु खः ।

ब्रोकर कम्पनीतय्सं थःथाय् कारोवार यानाच्वंपिं लगानीकर्तातय्त खाता चायेकेगु सुविधा बियाच्वंगु खः । ब्रोकरतय्सं केवाईसी अध्यावधि यानातःपिं लगानीकर्तातय् खाता चायेकाः उमिगु इमेलय् युजर नेम व व अनलाइन कारोवारय् छ्यलीगु वेबसाइटया लिंक छ्वयेगु यानाच्वंगु दु ।

नेपाल स्टक एक्सचेञ्जं नं अनलाइन कारोवारया निंतिं युजरनेम व पासवार्ड काइपिं लगानीकर्तातय् ल्याः अप्वया वनाच्वंगु खँ धाःगु दु । अनलाइन कारोवारया निंतिं च्याद्वलं मल्याक लगानीकर्तातय्सं खाता चायेकेधुंकूगु दु । नेप्सें वंगु साउन निसें हे लगानीकर्तातय्त युजरनेम व पासवर्ड कायेत इनाप याःगु खःसां सुरुइ लगानीकर्तातय्सं वास्ता मयानाच्वंगु खः ।

लगानीकर्तातय्सं थःपिंसं हे कारोवार याये मदइगु जूगुलिं सुरुइ खास हे इच्छा मक्यनाच्वंगु खः । उकिं ब्रोकरतय्सं हे थःपिंसं हे खाता चायेकाः युजर नेम इमेलपाखें छ्वयेगु सुरु याःगु खः । थुकिं यानाः लगानीकर्तातय्त ध्यान बुलुहुं अनलाइन कारोवारपाखे वनाच्वंगु खँ धाःगु दु ।

लगानीकर्तातय्त थप आकर्षित यायेत नेप्सें याकनं हे स्वचालित अनलाइन कारोवार प्रणालीइ मोक टे«डिङ व्यवस्था यायेत्यंगु दु । थुकी लगानीकर्तां थःम्हं हे खरिद विक्री आदेश बीफइसां थ्व वास्ताविक कारोवार धाःसा जुइमखु । लगानीकर्तायात प्रत्यक्ष कारोवारय् यंके न्ह्यः अभ्यस्त यायेगु निंतिं थ्व कारोवार याकेत्यंगु खः ।

सम्बन्धित बुखँ

LEAVE YOUR COMMENTS