कलाकार राजेन्द्र खड्गीयात ज्वन

नेवाःख्यलय् चिकंचा नामं लोकंह्वाःम्ह कलाकार, द्वन्द्व निर्देशक राजेन्द्र खड्गीयात प्रहरीं ज्वंगु दु । प्रहरीया केन्द्रीय अनुसन्धान ब्यूरो (सिआइबीं) वयात थौं थबहीलिं ज्वंगु खः ।

कलाकार खड्गीयात ध्यबा कयाः मनूतय्त दक्षिण कोरियाय् त्वःताथकूगु द्वपं बियातःगु दु । दक्षिण कोरिया डकुमेन्ट्री दयेकेगु धकाः कलकार दयेकाः मनूतय्त यंकाः अन हे त्वःता थकूगु धासें मानव बेचविखन व ओसारपसार याःगु द्पं बियाःज्वंगु खः ।
खड्गीयात ज्वनाः अनुसन्धानया निंतिं न्यान्हुया म्याद नं कायेधुनागु खँ प्रहरीं धाःगु दु । सिआबीं झिंछम्ह मनूतय्त झिगू निसें झिंनिगू लाख कयाः गैरकानुनी रुपं दक्षिण कोरियाय् छ्वःगु दावी याःगु दु ।

मेखे खड्गीं धाःसा थःम्हं उमित दक्षिण कोरिया यंकागु खःसां उमिके छुं ईया निंतिं भिसा दुगुलिं चाःहिलाच्वंगु व छुं ई लिपा लिहां वइगु दावी यानाच्वंगु दु ।