निजी स्कुल बन्द यानाः सामुदायिकय् ध्यान

येँ – येँ मनपां शिक्षा विभागं आः मनपा दुने थप निजी स्कुल दर्ता बन्द यायेधुंकाः आः थीथी थासय् च्वंगु सामुदायिक स्कुलया गुणस्तर थकायेगु लागिं पहल याइगु जूगु दु । येँ महानगरपालिका दुने ६४३ गू निजी स्कुल व ९१ गू सामुदायिक स्कुल सञ्चालन जुयाच्वंगु दु । आः मनपाय् थप निजी स्कुल आवश्यक मजू धासें मनपां स्कुल दर्ता बन्द याःगु खः ।

सरकारं आः नकतिनि थ्वहे वइगु न्हय्दँ (७ दँ) या दुने फुक्क हे निजी स्कुलतय्त ‘नाफारहित गुथि’ इ परिवर्तन यायेगु धकाः नीति दयेकूगु खःसा उकियात हे तिबः कथं मनपां थ्व पलाः न्ह्याकेत्यंगु खँ धाःगु दु । निजी व सामुदायिक स्कुलया पढाइ दथुइ तःधंगु गाः दुगु जुयाः निगुलिं स्कुलया गुणस्तरयात समान दयेका यंकेगु उद्देश्य कथं थज्याःगु नीति हःगु खः ।

सरकारया शिक्षा सम्बन्धी छगू उच्चस्तरीय आयोगं निजीयात नाफारहित गुथिइ परिणत याना यंकेगु धकाः सरकारयात सुझा व बिउगु खःसां निजी स्कुलतय्गु विरोधया कारणं उकियात सरकारं आः तक अनुमोदन धाःसा याःगु मदुनि ।

न्यू फ्लोरेन्स स्कुलय्
नेपालभाषा ब्वंकीगु
येँया टंकेश्वरय् च्वंगु न्यु फ्लोरेन्स इन्टरनेशनल बोर्डिङ स्कुलय् थुगु दँ निसें नेपालभाषा विषय नं ब्वंकीगु जूगु दु । नेवाः वस्ती नेवाः स्कुलया अभियन्ता दीपक तुलाधरया सक्रियता व नेपालभाषा ब्वंकेगु निंतिं समाजसेवी राजु कपाली–पिंसं यानादीगु कुतः कथं अन नेपालभाषा नं ब्वंकेगु ज्या जुइत्यंगु खः । स्कुलया प्रिन्सिपल रोशनराज गुरुङ थःगु स्कुलय् नेपालभाषा ब्वंकेत सहमत जुयादीगु दु ।

सम्बन्धित बुखँ

LEAVE YOUR COMMENTS