छायाँदेवी कम्प्लेक्स बारे डब्लुएनओया चिउताः

येँ – येँया थँबहिली पुलांगु पुखू अतिक्रमण यानाः अन छायाँदेवी कम्प्लेक्स नांगु व्यापारिक भवन दयेकूगु खँय् वल्र्ड नेवाः अर्गनाइजेशन (डब्लुएनओं) चिउताः प्वंकूगु दु । डब्लुएनओपाखें छगू वक्तव्य जारी यासें चकंद्यःया जात्रा यायेमाःगु उगु लागा अतिक्रमण यानाः बिजनेस कम्प्लेक्स दयेकूगु द्वपं बिउगु दु ।

नेवाःतय् भूमि अतिक्रमण यानाः नेवाः कला, संस्कृति न्हंकेगु ज्या याःगु कारणं आः नेपाः सरकार, गुथि संस्थान व थीथी सरकारी निकायत छथाय् च्वनाः उगु ऐतिहासिक भूमियात न्हापा थें हे कायम यायेत नं वक्तव्यय् माग यानातःगु दु । अथे हे संघीय समाजवादी फोरमं नं छायाँदेवी कम्प्लेक्स थुनेमाःगु माग याःगु दु ।

ससफो येँ जिल्लाया नायः मनरत्न शाक्यं पिथंगु वक्तव्यय् गुथिया जग्गा व्यक्तिया जुइ मखु धासें कम्प्लेक्स थुनेगु ज्याय् आन्दोलन याना वयाच्वंपिं नेवाः राजनीतिक अभियानया कार्यकर्ता व संघीय समाजवादी कार्यकर्ताया ग्वाहालियात च्वछासें अदालतय् मुद्दा न्ह्यानाच्वंक च्वंक भवन दयेकेगु ज्या गुगु जुल उगु ज्या अनियमितताया पराकाष्ठा जूगु खँ न्ह्यथनातःगु दु । छायाँदेवी कम्प्लेक्सय् ध्यबाया चलखेल जक जूगु आशंका नं याना तःगु दु ।

सम्बन्धित बुखँ

LEAVE YOUR COMMENTS