अन्सारीया नामय् नेकपाय् विवाद

येँ – न्हापांखुसी गठन याःगु मुस्लिम आयोगया अध्यक्ष पदय् सिफारिस जूम्ह समिम मियाँ अन्सारीया नांयात अनुमोदन यायेगु वा मयायेगु धइगु खँय् सत्तारुढ दल नेपाल कम्युनिष्ट पार्टी दुने विवाद ब्वलंगु दु । गुगुं नं संवैधानिक आयोगय् नियुक्त जुइम्ह मनू नियुक्ति जुइगु इलय् छुं नं राजनीतिक दलया सदस्य जुइ मजिउ ।

तर समिम मियाँ अन्सारीया नां धाःसा तत्कालीन एमालें निर्वाचन आयोगय् बियातःगु समानुनिक उम्मेदवारतय् धखलय् दुथ्यानाच्वंगु जुयाः वय्कःयात आयोगया अध्यक्ष दयेके मजिउ धकाः पार्टी दुने हे विरोधया सः थ्वयाच्वंगु दु । थ्वहे इलय् नेकपाया महासचिव बिष्णु पौडेलं निर्वाचन आयोगयात पौ च्वयाः समानुपातिक धलखय् दुथ्यानाच्वंगु अन्सारीया नां लिकया बिउ धकाः पौ च्वया छ्वःगु दु ।

तर उगु पौयात कयाः नं पार्टी दुने विवाद पिहां वःगु दु । पौयात कयाः पुलांम्ह प्रम झलनाथ खनालं विरोध यानादीगु खः ।बेरुजु कर्मचारीया बढुवा रोक्काआः बेरुज पछर्यौत मयाइपिं कर्मचारीया बढुवा रोक्का याइगु जूगु दु ।

आर्थिक कार्यविधि तथा वित्तीय उत्तरदायित्व सम्बन्धय् व्यवस्था यायेत दयेकूगु विधेयकय् बेरुज फछ्र्योट मयाइपिं कर्मचारीया सरुवा बढुवा निगुलिं पनेगु प्रस्ताव याना तःगु दु । थुगु ऐनय् नियमित प्रक्रियां ध्यबा असुल मजुल धाःसा बेरुजुयात सरकारी बाँकी सरह माने यानाः सम्बन्धित कर्मचारीया जायजेथा मियाः जूसां असुल उपर यायेगु प्रस्ताव नं यानातःगु दु ।

सम्बन्धित बुखँ

LEAVE YOUR COMMENTS