छेँ दनेत गाः म्हूबलय् पुलांगु बहाः लुल

भ्वँत-थनया स्वह्राःत्वाः धाःगु थासय् छेँ दनेत जग म्हूबलय् पुलांगु सम्पदा लुया वःगु दु । अन जवंखवं तयातःपिं ल्वहंया निम्ह सिंह लिसें लुखाया न्ह्यःने तयातःगु ल्वहंपाः लुया वःगु खः ।

अन लुया वःगु थ्व ज्वलंया आधारय् उगु थासय् छुं बौद्ध बहाः ल्हानाच्वंगु जुइमाः धकाः अनुमान याःगु दु । उगु थासय् ल्हानाच्वंगु उगु थाय् भ्वँतया गुंगू बहाः मध्ये छगू जुइमाः धकाः नं अनुमान याना हःगु दु । भ्वँतय् दुगु गुंगू बहाः मध्ये थ्व क्वता बहाः, तःबहाः अथवा थाःबहाः मध्ये छगू जुइमाः धइगु नं अनुमान याःगु दु । उगु थासय् न्हापा नं छेँ दुगु खःसा आः उगु छेँ थुनाः न्हूगु दनेगु ज्या जूबलय् थ्व सम्पदा लुया वःगु खः ।

सम्बन्धित बुखँ

LEAVE YOUR COMMENTS