‘त्रिविं फागुनय् स्ववियु चुनाव याये फइमखु’

येँ – त्रिभुवन विश्वविद्यालयं थ्वहे फागुन दुने स्ववियु निर्वाचन यायेमफइगु खँ धाःगु दु । २०७३ सालय् जूगु स्ववियु निर्वाचन लिपा वइगु फागुन १८ गते स्ववियुया कार्यकाल पूवनेत्यंगु दु । कार्यकाल पूवंसां त्रिविं निर्वाचनया निंतिं तयारी पूमवंनि धासें कार्यकाल क्वचायेवं फागुनं हे निर्वाचन यायेमफइगु खँ धाःगु दु ।

त्रिवि रजिष्ट्रार डिल्लीप्रसाद उप्रेतीं तयारी यायेल्यंदनिगुलिं फागुनं मयासे चैतं जक निर्वाचन यायेगु खँ धयादीगु दु । चुनावया निंतिं छुं नं कथंया परीक्षा मलाइकथं याकनं हे चुनावी कार्यतालिका पिथनेगु खँ नं वय्कलं धयादीगु दु ।

स्ववियु निर्वाचनया निंतिं त्रिविं आङगिक व सम्बन्धन कयातःगु क्याम्पसय् निर्वाचन तयारीया निंतिं निर्देशन धाःसा बीधुंकूगु दु । त्रिविया आङ्गिक व सम्बन्धन कयातःगु द्वःछिगू क्याम्पसय् स्ववियु निर्वाचन जुइ । त्रिविं वंगु २०७३ फागुन १८ गते उम्मेदवारतय् २८ दँया हदबन्दी सहित दकलय् लिपा स्ववियु निर्वाचन याःगु खः ।

नेपालभाषा टाइम्स

च्वमिया मेमेगु

• थुकथं न्ह्यात बोडेया म्ये प्वाः खनीगु जात्रा
• बिस्काःया झ्वलय् थिमिइ ‘सुथसिया याः’ न्यायेकल
• छायादेवीया जग्गा पुखू प्रमाणित
• पाहाँचःह्रे क्वचाल
• ताेखाय् बिस्काःया निंतिं यःसिं थन