प्रमजुया लाफ्टर थेरापी !

पासा । एकल । उमेर यक्व दयेधुंकल । उखे थुखे वने मपूm । मन न्ह्याइ । तुतिं बी मखु । अक्सर छेँय् हे । न्हिछिचछिं याकःचा । काय–भौ अफिसय् वनी । छय् स्कुलय् । काय–भौपिंत नं छु धायेगु ? ज्याय् वनाः नयेमाःपिं । माःगु फुक्क व्यवस्था याइ । अफिसय् वनी । पासां इलय्व्यलय् फोन याइ । म्हाइपु लंकी । पुलां पुलांगु खँ ल्हाये ।

न्ह्यइपुसे च्वनी । जुइ फुबलय् व यलय् यक्व वः । पाइन्ट सुइकेत । यक्व दत थुखेर मवःगु । फोनय् फोनय् जक खँ जुय । छक्वः निक्वः हायेके । धाये, ‘अय् ! यलय् पाखे पाइन्ट सुइकः वये म्वाःलाः ? नाप लाये खनी ?’‘गन न्हूगु पाइन्ट सुइकेगु ? पाइन्ट मसुइकागु हे ग्वःदँ दयेधुंकल । जितः छाय् न्हूगु पाइन्ट आः ! दुगु पाइन्ट हे थुगु जुनी न्ह्याये खनी मखुत ।

आः मेगु जुनिइ सुइकूसा का न्हूगु पाइन्ट ।’ पासां थः गनं वने मफुगु खँ थुकथं व्यक्त याइ । थौंकन्हय् पासायात नर्सया व्यवस्था दु । काय–भौ नं न्हिछि स्वइम्ह नर्स तयाबी । पासां धया हइ । ‘आः छु ले ?’ जिं धाये ‘छंत पासा दत नि । ई छ्यायेत । नर्सलिसे तास म्हिती । बुद्धिचाल म्हिती । ई वंगु हे चाइमखु ।’ पासां धाइ ‘मखु । नर्संला वासः नकी, इलय्व्यलय् बिपि काइ ।

वया थःगु हे लागा दु । खालिगु इलय् मोबाइल स्वइ । परिवारया दुजःलिसे थें वलिसे ई छ्याये धयां दइ ला ? स्वास्थ्यया खँय् वं विचाः याइ । तर न्हिछि । मनंमनं याकःच हे जुइ । नुगलय् अनेतने खँत बुया वया च्वनी । खँ ब्याकेपिं सुं दइमखु । ज्याथ जीवनया थ्व हे खँ विडम्बना !’
‘मखु, पासा ! छं रेडियो, टि.भी मस्वया ला ! देय्या राजनीति बारे भचा भचा चिउताः तःसां ई छ्यायेत थाकुइ मखु ।

पासा तनावय् वइ । तंया भासं धया हइ, ‘ व खुँ डाँकातय् भाषण न्यनां छु याये ! मन जक स्यनी । गन्जागोल जुइ । लां लां दत । रेडियो, टि.भी. मस्वयागु । जितः आनन्द । जिगु न्ह्यपु थौंकन्हय् ठन्डा । रेडियो न्यँ, टि.भी. स्व । देय्या खबर न्यँन्यं हे छ्यं क्वाना वइ। तँ फुक्क थःत । मोज याइपिं फुक्क इपिं खुँत !’

नेतातय् भाषण न्यं । ई वंगु हे चाइमखु । पासायात भचा बर्हिमुखी यायेत स्वये । पासा तनावय् वइ । तंया भासं धया हइ, ‘ व खुँ डाँकातय् भाषण न्यनां छु याये ! मन जक स्यनी । गन्जागोल जुइ । लां लां दत । रेडियो, टि.भी. मस्वयागु । जितः आनन्द । जिगु न्ह्यपु थौंकन्हय् ठन्डा । रेडियो न्यँ, टि.भी. स्व । देय्या खबर न्यँन्यं हे छ्यं क्वाना वइ।

तँ फुक्क थःत । मोज याइपिं फुक्क इपिं खुँत !’ पासाया आक्रोश न्यने । मती वइ । देय्या राजनीतिक दूरावस्थां थौं जनताया नुगः तनावपूर्ण जुयाच्वंगु दु । शान्ति छखे लानाच्वंगु दु । ‘बुढेसकालय् वयाः माःगु ला दः थ्व तनाव ?’ पासा हीमी चाया धाइ । लुमनाच्वनी । तनाव ! थौं थ्व खतरा संक्रामक ल्वय् जुयाः न्यनाच्वंगु दु ।

बुढा, ल्याय्म्ह । मिसामिजं । तःमि, चीमि । सकलें छुं न छुुं कथंया तनावं ग्रस्त जुयाच्वनी । थौंया जीवनशैली, जीवन दर्शनं हे तनाव अनिवार्य यानाबी । मनुखं जिउ, मजिउया खँ ल्वःमंकी । अनेक जालझेल यानाः थःगु सुख कायेत स्वइ । धन आर्जन याइ । तर ग्व ! सुखी जुइ मखु । अःखः तनावग्रस्त जुइ ।

प्रलोभनया असन्तुष्टिं प्रत्येक मनूया नुगः तनावया शिकार जुयाबी । जुयाच्वनी । अप्वःथें ल्यासे ल्याय्म्ह पुस्ताय् थौं नैराश्यताया लक्षण खने दइ । थौंया आधुनिक मूल्य मान्यतां मनूतय्त महत्वकांक्षी यानाबी । गबलें सन्तुष्टि व शान्तिया अनुभूति याके बीमखु । थौं अनेक रहस्यमय ल्वय्त खनेदइ ।

चिकित्सकतय्सं धाइ । अनेक आधुनिक ल्वय्या अदृश्य कारणं तनाव जुयाबी । थौं चेतना दनी । थौंया पुस्तां तनाव व्यवस्थापनया शीप विकास यायेमाः । तनावं मुक्त जुइगु खःसा । मानसिक शान्ति सन्तुलन लुइकेगु खःसा । थौंया तनावया संक्रमण, आतंकयात चिउताः तयाः अनेक तनाव व्यवस्थापन केन्द्रत चायेकी ।

अध्यात्मिक काउन्सिलिङ, योग, ध्यान केन्द्रत खनेदइ । आधुनकि जीवनशैलीं मनूतय्त झन्झन् महत्वकांक्षी, झन्झन् प्रतिस्पर्धी याना यंकाच्वंगु दु । लिच्वः । राजनीतिक, सामाजिक, आर्थिक शोषण, अपराधय् वृद्धि जुइ । नैतिकताया ¥हास जुइ । देशय् जंगली युगय् थें शक्तिया बोलवाला जुइ ।नर्भिक हस्पिटल । नांजाःम्ह डाक्टर ।

डा. रावत । रा. रावतं प्रत्येक ल्वगियात सल्लाह बी । ‘न्हिं झिक्वः न्हिउ !’ । तनावं मुक्त जुइ । ल्वय्यात क्वलायेकेत न्हिलां वासःया ज्या याइ । डा. रावतया सल्लाह खः । अथे हे आध्यात्मिक गुरु ओसों नं तनावं मुक्त जुइमाः । उकिया निंतिं ‘लाफ्टर सक्रिय ध्यान’ या उपचार बी । मृत्युयात दुःखति जुयाः मखु, न्हिलाः न्हिलाः सेलिब्रेट यायेमाः ।

ओसों थःगु आध्यात्मिक मृत्यु दर्शनय् धाइ । तनाव व्यवस्थापनया विषयय् थौं अनेक आध्यात्मिक मनोवैज्ञानिक उपायत वयाच्वंगु दु ।
थौंया जटिल, अराजक, अव्यवस्थित आधुनिक जीवनशैली, मूल्य व मान्यतां जीवनयात झन्झन् तनावया जंगलय् वाये यंकी । विक्षिप्त ग्रहय् परिणत जुइ । तनाव अनेक प्रकारया दइ । राजनीतिक, तनाव, नैतिक तनाव, आध्यात्मिक तनाव, द्रव्य शान्ति तनाव ।

तर देशय् थौंकन्हय् राजनीतिक तनाव क्वलाइगु उपचार विधि विकास जूगु दु । प्रधानमन्त्री केपी ओलीजुया कार्यकालया दछिया उपलब्धि छु ? छगू न्ह्यसःया लिसः वःगु दु, ‘प्वाः स्याक्क न्हिलेगु !’ थ्व लाफ्टर थेरापीया आविष्कार, प्रयोगं प्रधानमन्त्री, मन्त्रीया ख्याति थौं थिनाच्वंगु दु । पासायात जिं अले फोन यानाः धाये, ‘पासा ! रेडियो न्यँ, टि.भी. स्व । आः तनावय् लाइमखु । प्वाः स्याक्क न्हिले खनी …… प्रमया भाषण
न्यँ !

सम्बन्धित बुखँ

LEAVE YOUR COMMENTS