बुरांख्यलय् स्वास्थ्य शिविर

येँ – येँ महानगरपालिका १८ वडाया ग्वसालय् लायन्स क्लव अफ काठमाडौं फेलोसिप, काठमाडौं मित्र मण्डली व इभाञ्जली मित्र मण्डलीया ग्वाहालिइ थनया १८ वडास्थित बुरांख्यलय् स्वास्थ्य शिविर जुल ।शिविरय् मचाल्वय्, वा, हिनू व सौन्दर्य समस्या दुपिनिगु परीक्षण जूगु खः । माघ २१ व २२ गते निन्हुयंकं जूगु शिविरय् ४०० म्हं थःगु स्वास्थ्य परीक्षण याकूगु खःसा शिविरय् अप्वः थें मिसा, ज्येष्ठ नागरिक व मस्तय्गु स्वास्थ्य परीक्षण जूगु येँ महानगरपालिकाया १८ वडा अध्यक्ष न्हुच्छेकाजी महर्जनं जानकारी बियादीगु दु । शिविरय् स्वम्ह नेपाली प्यम्ह कोरियन डाक्टर व नीन्हय्म्ह कोरियन नर्सपिंसं विरामी जाँच याःगु खःसा वासःत निःशुल्क उपलब्ध याःगु खः ।