काठमाडौं मोडेल सिंगिंग आइडलय् सुजल व असिमयात उपाधि
येँ – थनया खुसिबुँइ च्वंगु काठमाडौं मोडेल स्कुलया ग्वसालय् ब्वनेकुथिया हे थीथी तगिमय् ब्वनाच्वंपिं मस्तय् दथुइ म्येँ कासा जुल । ‘काठमाडौं मोडेल सिंगिंग आइडल–२०१९’या नामं जूगु उगु कासाय् मुक्कं झिंंन्हय्म्ह ब्वँमिं ब्वति काःगु खः । सिनियर व जुनियर यानाः निगू चरणय् जूगु म्येँ कासाय् जुनियरपाखे सुजल महर्जनं व सिनियरपाखे असिम बोगटी काठमाडौं मोडल सिंगिंग आइडल–२०१९ या उपाधि त्याकेत सफल जुल ।
अथे हे जुनियरपाखे सुनिम महर्जन लिउ लाःगु दुसा एलिश राई लियांलिउ व सिनियरपाखे एन्जिला श्रेष्ठ व श्रवण आलेमगर छसिकथं लिउ व लियांलिउ लात ।
स्कुलया संस्थापक निर्देशक राजेन्द्र महर्जनया सभापतित्वय् जूगु कासाया उलेज्या नांजाःम्ह संकिपा निर्देशकनापं कलाकार, म्येँ च्वमि, लय्चिनामि नापं म्येँ हालामि रामकृष्ण खड्गीं यानादीगु खः । ब्वनेकुथिया शिक्षक प्रविणरत्न वज्राचार्यया संयोजकत्वय् जूगु ज्याझ्वलय् सुदन मुनिकार व थिन्ले नोर्बु लामा निर्णायकमण्डलय् च्वनादीगु खः ।
LEAVE YOUR COMMENTS