राष्ट्रपतिया निर्वाचनय् खटे जुइपिंत प्रशिक्षण

येँ -निर्वाचन आयोगं थ्व हे वइगु फागुन २९ गते जुइगु राष्ट्रपतिया निर्वाचनय् खटे जुइपिं निर्वाचन अधिकृतयात निर्वाचन संचालन व व्यवस्थापन सम्बन्धी प्रशिक्षण बिउगु दु । आयोगं राष्ट्रपति निर्वाचनयात स्वच्छ, स्वतन्त्र, निष्पक्ष व विश्वसनीय रुपं सम्पन्न यायेत धासें निर्वाचनय् खटे जुइपिं निर्वाचन अधिकृतयात प्रशिक्षण बिउगु खः । निर्वाचन अधिकृत, सहायक निर्वाचन अधिकृत व निर्वाचन अधिकृतया ज्याकुथिइ खटे जुइपिं कर्मचारीया निंतिं छन्हुया निर्वाचन संचालन व व्यवस्थापन सम्बन्धी प्रशिक्षण ज्याझ्वः जूगु आयोगं न्ह्यथंगु दु ।

उगु इलय् मुख्य निर्वाचत आयुक्त डा. अयोधीप्रसाद यादवं राष्ट्रपतिया निर्वाचन थःहे महत्वपूर्ण निर्वाचन जूगु धासें निर्वाचन व्यवस्थापनय् आयोगं थःगु दक्वं ध्यान केन्द्रीत यानाच्वनागु धयादिल । थ्व हे झ्वलय् आयोगं राष्ट्रपति व उपराष्ट्रपतिया निर्वाचनय् ब्वति काइपिं उम्मेदवारं प्रचारप्रसारया निंतिं खर्च याये दइगु सीमा नं क्वःछिउगु दु ।