थनिंनिसें स्वस्थानी

येँ – थौं मिला पुन्हि । थनिंनिसें छेँय् छेँय् स्वस्थानी बाखं कनेगु शुरु जुइ । स्वस्थानी बाखं कनीगु न्हिंनिसें सक्वया शालीनदीइ नं तःधंगु मेला लगे जुइ । थौं बहनीनिसें चि मनसे च्वनेमाःगु ब्रत शुरु जुइ । बहनी माधवनारायणया पुजारीं जल बीवं ब्रत शुरु जुइ । पुजारीयाके जल काये न्ह्यः ब्रत च्वनीपिंसं ल्हाः तुतिया लुसि ध्यनाः शुद्ध वसः फीमाःगु चलन दु । थ्वहे झ्वलय् शालीनदीइ वनाः म्वः ल्हुइगु चलन दु । थनिंनिसें लछियंक सक्वय् तःजिक मेला जुइ ।