नवदुर्गाया न्या लाकेगु जात्रा शुरु
ख्वप – ÷ ख्वपय् न्या लाकेगु जात्रा म्हिगःनिसें सुरु जूगु दु । माघ १ गते घ्यःचाकु संल्हू कुन्हु सूर्यमढी त्वालय् थ्यंकेहःम्ह नवदुर्गायात छेँय् छेँय् पुजा फयाः समय्बजि छाःगु खः । द्यःयात ख्वाउँ मजुइमा धकाः थीथी त्वालय् थाय्थासय् सिँ व सु च्याकाः मि पंकाः ग्वाहालि याःगु खः । नवदुर्गा बिज्याइगु जुइवं थाय्थासय् सफाई यानाः द्यः दिकीगु थासय् नं विशेष कथं पुजा दिकेगु थासय् बँ थिलातःगु खः ।
थौं थनया दतात्रय चोकय् न्या लाकेत्यंगु दु । म्हिगः सूर्यमढी त्वालय् न्या लाकूगु खः । सुथय् सिम्हा दुम्बाया न्या लाकूगु खःसा लिपा महाकालीयाके गा त्वके धुंकाः खा लाकाः खायात हे म्वय् हिलाः कचिकं हि त्वनाः द्यः सकसितं हि छाये धुंकाः स्वेत भैरवं न्या लाकेगु जात्रा याःगु खः ।
कन्हय् क्वाठण्डौ त्वालय् द्यः यंकीगु व कंस न्या लाकेगु याइसा वयां लिपा बार स्वयां गःहितिइ न्या लाकी । ख्वप देसय् प्यलाया दुने नीछथाय् थथे न्या लाकेगु जात्रा जुइ ।
LEAVE YOUR COMMENTS