
थौंकन्हय् ‘भारत’ संकिपाया शुटिंगय् व्यस्त बलिउड नायिका दिशा पटानी ‘एमएस धोनी’ संकिपापाखें बलिउड फिल्म उद्योगय् दुहां वःगु खः । वयां लिपा ‘बागी–२’ लय् खने दयेकः वःम्ह दिशाया थुगु संकिपा बक्स अफिसय् नं हिट जूगु खः ।
आः वयां दिशां बलिउड स्टार सलमान खानलिसे स्क्रिन सेयर याइगु जूगु दु । भारतीय संचारमाध्यमय् वःगु रिपोर्टकथं दिशां सलमानया ‘कीक’ सिक्वेलय् म्हितीगु पक्कापक्की जूगु दु । थुगु दँया अन्त्य तकया दुने प्रदर्शनय् हयेगु तयारी यानाच्वंगु कीक–२ लय् नं ज्याकलिन फर्नाण्डिसयात हे कायेगु निश्चित जुयाच्वंगु खः ।
खतुं ‘कीक’य् सलमान व ज्याकलिनया रोमान्सयात स्वकुमिपिंसं ययेकूगुलिं हे कीक–२ लय् नं वयात हे सलमानया अपोजिट रोल बीगु धइगु चर्चा जुयाच्वंगु खः । नायक सलमानया हे भूमिका दइगु कीक–२ लय् ज्याकलिनया थाय् आः दिशां काइगु व्यापक चर्चा जुयाच्वंगु दु ।
LEAVE YOUR COMMENTS