मांभासं पत्रकारिता गोष्ठी

येँ – नेपाःया थीथी मांभासं पिहां वयाच्वंगु पत्रकारिताया वर्तमान अवस्थाया बारे म्हिगः प्रेस काउन्सिल नेपालं छगू अन्तक्र्रिया ज्याझ्वः यात । मांभाय्या पत्रकारिताया अवस्था बारे प्रेस काउन्सिलं याःगु थ्वहे न्हापांगु ज्याझ्वः खः । ज्याझ्वलय् प्रेस काउन्सिलया दुजः शुभेच्छा विन्दू तुलाधरं ज्यापौ न्ह्यब्वयादीगु खःया उकियात कयाः नेपालभाषा टाइम्स या सम्पादक सुरेश किरणं टिप्पणी यानादीगु खः ।

ज्याझ्वलय् प्रेस काउन्सिलया कावा अध्यक्ष किशोर श्रेष्ठं मांभाय्या पत्रकारिता विकासया लागिं अन वःगु सुझावयात कयाः राज्यलिसे थःपिंसं वार्ता यायेगु बचं बियादिल । ज्याझ्वलय् भोजपुरी, अवधि, राई, थारू, उर्दू आदि भासं पत्रिका पिकयाच्वंपिं पत्रकारतय्सं मांभासं पत्रिका पिकायेबलय् वइगु थीथी कथंया समस्या प्रकट यासें उकिया लागिं राज्यं बिस्कं हे नीति दयेकेमाःगु खँय् बः बियादीगु खः ।